سربداله افغان ته! - ۴۲
طنز- محمود نظري
پوهان په هره رښتیا ماتیږي نه ناپوهان
کاغذي بادام په لاس ماتیږي نه غوزان
هغه چې اسانه نه ماتیږي وهل غواړې
پسته خاندي په وهلو او تښتېدلو دغوزان
***
تر طالبانو ښه خلک نسته په ټول جهان کي
خپاره یې پوه افغانان کړه په ټول کیهان کي
اخیربه یو افغان پاته نه وي په دې ستان کي
دلته به حلال وي، حرام به خپاره وي په کهکشان کي
***
د کوچنی سوچ لکه کوچنی لوښی وي
د غټ عقل تر ټولو غټ لوښی وي
په کوچنۍ کاسه کي د سطل اوبه په زوره ځایوه
تر ټولو د پوهې کچه دیره د غوړلوښی وي
غوړلوښی( هغه سړی چی پند پر اغیز نه کوی )
***
د هر موشه خره له نصیحته توبه توبه!!
دهر کشر، پراچه له نصیحته توبه توبه!!
هر پمن دپکېدو دواوي درته وایي په تکرار
د جاهل او نیمچه له نصیحته توبه توبه!
نیمچه( رذیل)،پراچه ( بی مخی)
***
د چا قدر هغومره ښه چې ستا کوي
له هغه تښته چې بیځایه قدر ستا کوي
مه له چا بېرېږه مه یې بېروه
دهغو پرسان کوه چې تل ستا کوي
***
Comentarios