طنزیه څلوریږی- سوډران-۱۰
محمود نظري
چې وږی تږی یم هغه آزادي څه کوم
چی تعلیم نه یي هغه زندګي څه کوم
چې ما حلالوې زما نه سلا مه غواړه
که مخ پرقبله یا نه زه شرعي څه کوم
***
دلته شکر مجرمان بې ګناه عفو کوي
دلته غله د کور بوډۍ بوډا عفوه کوي
دا ښه سیاست دی له خپلو خلکو سره
قاتل د مقتول د یتیمانوصغراعفوه کوي
صغرا( تر ټولو کوچنی)
***
عقل خپله ښه انسان ته لویه سزا ده
د دې ټولو جاهلانو ته زغم یې جزا ده
که دې د نورو درد احساس کړانسان یی
په جاهلانو کی اوسیدل د مغز غزا ده
غزا ( ماتم)
***
Comentarios